सेट परीक्षेचा निकाल लांबला: दोन महिन्यांनंतरही प्रतीक्षा;तात्काळ निकाल लावण्याची विविध संघटनांची मागणी

पुणे :पुणे येथे घेण्यात आलेल्या महाराष्ट्र राज्य पात्रता परीक्षा (एमएच सेट) 2025 च्या निकालात विलंब होत असुन ही परीक्षा 15 जून 2025 रोजी घेण्यात आली होती. उत्तर पत्रिका 26 जून 2025 रोजी प्रसिद्ध करण्यात आली होती. सुमारे 100,000 विद्यार्थ्यांनी या परीक्षेत सहभाग घेतला होता आणि ते आपल्या निकालाची वाट पाहत आहेत. विविध संघटनांच्या प्रतिनिधींनी सेटचा निकाल लांबल्याने नाराजी व्यक्त केली आहे. त्यामुळे तात्काळ सेट चार निकाल लावुन उमेदवारांना न्याय द्यावा अशी मागणी करण्यात येत आहे.

विलंबाचे मुख्य कारण विशेषतः मागासवर्गीय (एसबीसी) साठी आरक्षणाच्या संदर्भात राज्य सरकारकडून मार्गदर्शनाची अनुपलब्धता आहे. यामुळे निकालांच्या घोषणेत विलंब होत आहे आणि परंतु विद्यार्थ्यांना अडचणीचा सामना करावा लागत आहे. विद्यार्थी आणि त्यांचे पालक होत असलेल्या या विलंबाबाबत चिंतित आहेत.

निकालांची घोषणा ऑगस्ट 2025 च्या शेवटच्या आठवड्यात होण्याची शक्यता आहे. यासोबतच कट-ऑफ देखील प्रसिद्ध केला जाईल. दस्तऐवज सत्यापनानंतर ई-प्रमाणपत्र प्रसिद्ध केले जातील. विद्यार्थ्यांना सल्ला देण्यात आला आहे की ते अधिकृत वेबसाइट setexam.unipune.ac.in वर नियमित अपडेट्स साठी लक्ष ठेवतील.

निकाल पाहण्यासाठी विद्यार्थ्यांना त्यांचा आसन क्रमांक आणि नाव नमूद करावे लागेल. त्यानंतर ते आपला निकाल पाहून डाउनलोड करू शकतील. विद्यार्थ्यांना आशा आहे की लवकरच निकाल जाहीर केला जाईल आणि ते आपल्या भविष्याच्या योजनांवर काम करू शकतील.